Signa iudicii vultus adest domini.
Ergo fremit populus, nec cessant tundere pectus
Matres cum senibus, ergo fremit populus.
Sistitur in solio domini spectabile signum,
Theotocosque suo sistitur in solio.
Hinc thimiama dabunt, hinc balsama prima reponunt,
Thus myrramque ferunt, hinc thimiama dabunt.
Dat scola Greca melos et plebs Romana susurros,
Et variis modulis dat scola Greca melos.
Kyrie centuplicant et pugnis pectora pulsant
Christe faveto! tonant, Kyrie centuplicant.
